गायलाक खिल्बार दानलात व्यापक ठगि
 |
गिरसलाक सिधाए
ठगी कर्ते आसाल उड कम्पनिर उत्पादन झापार अर्जुनधारा नगरपालिका वार्ड नं. ८ स्थित
वैद्धिक एग्रो प्लानेट कम्पनिरत गायलाक खिल्बार ताने किनाल दानार बरालात एनङति कम
बजन पाल गिछे । विगत २०७१ सालसे लागातार गाय पालन कर्ते आसाल वैद्धिक एग्रो
प्लानेट कम्पनिर प्रवन्ध निर्देशक कमल भण्डारीरक गारिखानसे दानार बराला नाभुवार
बेला संका लागिए बराला नाप्वार बाद २४ किलो ७ सय ग्राम से कम पाल गिस्ले ।
नेपाल गुणस्तर
चिन्ह प्राप्त कराल उड कम्पनिड उत्पादन कराल दानालात वनाल मिती आर समाप्त मिती
समेत उल्लेख निकरे आर मिती उल्लेख कराल दानालारभि उपभोग मिती खतम हुवाल पाल गिछे ।
यिड घटनार सत्य तथ्य वुझिए क्षतिपुर्तीर माग राखिए पिडित वैद्धिक एग्रो प्लानेट
कम्पनीर जिल्ला प्रशासन कार्यालय झापात् मुद्धा दायर करिचे । माने जिल्ला प्रशासन
कार्यालय झापार खाद्य गुणस्तर विभागेर खाद्य निरिक्षक वाहेक आर्ह निकायला यिहार
उपरत चासो निदेख्वारसे यिहात किसानला ठट्टार विषय बनिछे । जिल्ला प्रशासन कार्यालय
झापासे क्षेत्रिय नापतौल विभागडक भि मुद्धा दायर कराल दिन पत्राचार करिए सत्य तथ्य
वुझ्बा कहाल माने आल्हातक कुन्ह पहल निहवारसे राज्यरक सर्वसाधारण जनताला केनङकरे
वुझ्बे कहवार काथातभि संका उब्जिए गिछे ।
येनङति प्रकृतिर
ठगीसे कृषकलाक प्रत्यक्ष मार परिछे । नेपालेर गुणस्तर विभाग तथा नाप तौल विभाग से
प्रत्यक्ष निगरानि हए तयार हबार निम्बस कम्पनीड येनङति प्रकृतिर ठगी कर्बारसे
नेपालेर भेलेला कृषि फर्मला धरासाहित् परिछे । नेपाली कृषि जगतट सोचाल आर कहाल
बमोजिम प्रगती हाँसिल कर्बा निपाल एनङति किसिमेर ठगि कर्बार कम्पनिला भि
जिम्मेवारी देखा जाछे । सोझा सिधा कृषकलाक ठगी कर्बार कम्पनिलार कारण कृषकलार
उत्पादन लागत बाढिएने उत्पादित वस्तुलार मुल्य निपाल अवस्था छे । 
Post a Comment