स्वाइनफ्लूर कारण झापात दुई मुस्रादेर मरण

      बिर्तामोडेर दुुईझन मुस्रादला स्वाइनफ्लू हबार कारणसे ज्यान गुमाबा परिचे । बिर्तामोड–१ आर ४ रत  बसोबास कर्ते असाल दुुईझन मुस्रादलार स्वाइनफ्लूर संक्रमण हबारसे ज्यान गिछे  । बेमारी हबारबाद अम्हाक उपचारेर ताने भारत र्लजाल गिस्ले । दनेझनार भारतेर राजधानी दिल्लीस्थित एपोलो हस्पिटलत् उपचार कर्बार क्रमत् मरन हुवाल काथा बताल गिछे । अस्पतालेर अनुसार बिर्तामोड–४ रेर ४७ वछरिया अनितादेवी मित्तल आर बिर्तामोड–१ केर ३७ वछरिया मनिषा अग्रवालेर स्वाइनफ्लू रोगेर  संक्रमणसे मरण हइचे । सास फेरबार समस्या देख्वारसंगे कास धरवार बाद अनितारक उहार हालुवा राजु मित्तलड उपचारेर ताने असार २१ गते भारतेर सिलिगुढी लेगाइस्ले । हतिन्कार नवदीता नर्सिङ होमत् ७ दिन उपचार कर्बार बादभि बमारीरर अवस्था झने बिग्रिबार बाद अनितारक थप उपचारेर ताने एयर एम्बुलेन्ससे दिल्लीर एपोलो अस्पताल पुगाल गिस्ले ।

       एपोलोर डाक्टरला अनितारक स्वाइनफ्लू हुवाल  शंका करिस्ले । एपोलोत १८ जना डाक्टरेर टोलीर  अनितारक उपचार कर्लेअभि एपोलो पुगाल ७२ घण्टाबाद अनिताको मरण हइस्ले । अनितार गत साउन १ गते निधन हइस्ले । अहिर अस्पताललत स्वाइनफ्लुर कारण साउन १५ गते रातिघुरि मनिषारभि  निधन हबारबाद बिर्तामोडत स्वाइनफ्लू फैलाल आशंका कर्बा धराल गिछे । ‘अनितारक सिलगुरिर हस्पिटलडत आवश्यकता से बेसि डोजेर एन्टीवायोटिक औषधि दिबार कारन दाहार शिथिल हुवाल आर स्वाइनफ्लूर संक्रमणेर कारण उहाँर मरण हुवाल एपोलो हस्पिटलेर रिर्पाेटखानत् उल्लेख छे,’ अनितार हालुवा राजुर कहल्े । पहिलाचटि कास धरवारबाद असार २० गतरति राजुड अनितारक बिर्तामोडेरे एक्टा मेडिकललत लेगाइस्ले । हतिना उहाँक ग्याष्ट्रिक हुवाल कहेने डाक्टरला ग्याष्ट्रिकेर दाबाइ दिस्ले । दाबाइ खाबार बाद सास फेरवार मुस्किल हबारबाद  अनितारक सिलिगुढी लेजाल गिस्ले ।