कोचिला स्वास्थ्यकर्मि फ्रन्टसे नि:शुल्क स्वास्थ सिविर आयोजित

झापा भादर १७ : कोचिला गाभुर फ्रन्ट सामाजिक संस्थार उप समिति कोचिला स्वास्थ्यकर्मि फ्रन्ट द्वार आजि (२०७४÷०५÷१७) गते झापा गाउँपालिका वाडा नं. २ स्थित लक्ष्मि प्राविर प्राङ्गानत आयोजना हुवाल निःशुल्क स्वास्थ्य सिविरत हतिना रहाल ५०० से बेसि  बेमारिला उपचार कराएने आर दबाइ द्वारा लाभान्वित हइचे । लाभान्वित हवारलात विसेस करिए बिृद्ध विृद्धा, महिला आर बालबालिका रहाल छिले । करिव बेहानकार १० बजेसे सुरु हुवाल उखान निशुल्क स्वास्थ्य सिविर खानेर अध्यक्षता कोचिला स्वास्थ्य फ्रन्टेर केन्द्रिय अध्यक्ष रणदेव हजाम करिस्ले ते सुरुर औपचारिक उद्घाटन कार्यक्रमत झापा गाउँपालिकार नव निर्वाचित अध्यक्ष श्री जय नारायण साह प्रमुख अतिथिर रुपत उपस्थित छिले । साथे बेमारिलार चेक जाच आर उपचारेर ताने नाक कान आर घाटि विसेसज्ञ डा. रन्धिर राजबंसि, स्त्रि रोग विसेसज्ञ डा. ममता घिरैया राजबंसि, चखु विसेसज्ञ श्री कविन्द्र प्रसाद राजबंसि, श्री हेम राजबंसि, दन्त रोग विसेसज्ञ डा. महेश कुमार राजबंसि तथा आर्युवेद विसेसज्ञ कविराज अनिल ठाकुरेर उपस्थिति रहाल छिले । कार्यक्रम  सानकार ५ बजेतक संन्चालन हइस्ले ।