सितुर साग एक प्रसिद्ध कोच डिश

n कर्ण राजबंसि /सिडनी अस्ट्रेलिया
      कोच समुदायला बेसिकरे खावारताने प्रयोग कर्वार सितुर साग जाहाक इङ्लिस पाकाए “मुसेल्स/ Mussels” कहाँ जाछे एक प्रसिद्ध डिश हए । पश्चिमि आर पुर्व एसियाई देशलात रहाल बड बड पाँचतारे होटललात रहाल महँगा डिस लार मध्ये इखान एक हए । 

      सितुला सेल फिस (सेल माछ) लार प्रजातिलात सबसे बेसि प्रभावसालि आर पौष्टिक तत्व पावा जाछे । मानव शरिरक आवश्यक पर्वार महत्वपुर्ण खनिज तत्व जिङ्क जैर मानव सरिरक बेमारिसे प्रतिरोध कर्वार ताने साथे इमुयुनिटि बढावार काम करेचे । 

      लोकला खावार ताने प्रयोग कर्वार आर्ह अन्य मासुलार तुलनात सितुलात बेसि मात्रात पैष्टिक तत्व रहचे । सितुलात भिटामिन, आइरन आर फिलिक एसिड समेत प्रसस्त मात्रात पाआल जाछे । अनङ्गेकरे सितुलात मानव मस्तिस्क राक सहि आर आच्छा तरिकासे बिकास करावार साथे गठिया रोगलार संगे लड्वार ताने प्रयोग हवार फैटि एसिड ईपिए (ईकोओसापेन्टाएनिक्स एसिड) आर डिएचए (डकोसोसेक्सएनोनिक एसिड) उच्च स्तरत आर अत्याधिक मात्रात मिलेचे । 

      उच्च वर्ग आर सासक वर्गलार कारणत इखान खानार बेवास्ता हइलेअभि माने आल्हा पश्चिमा विकसित देशलात कोच खानालार उच्च माग छे जाहारसे हामा सजिलै कोच जातिलार खानालार केनङ महत्व छे कहेने बुझवा सकेचि ।