फेसबुकेर कारण बाचिले फुलकुमारिर जान

फोटो : पुवेली न्युज

       झापा भादर २९ः पाछिल्ला समयत सामाजिक संजालेर कारनत भेलेला लोकला समस्यात पर्वार काथा हामाला सुनवापाचि आर सकभर घरेर अग्रजला आप्नार छुवा छोटोलाक फेसबुक लाखाति सामाजिक संजाल प्रयोग निकर्वार सल्लाह सुझाब देचे, अम्हार बुझाइरत फेसबुक लाखाति सामाजिक संजालेर कारनत समाजत भेलेला बिकृति आसिचे आर खाराब घटनाला घटेचे । बिभिन्न पत्र पत्रिकार खबरलात उल्हा काथाला सुन्वाअ मिलेचे । भरखरेमात्र सुन्वा मिलिचे सामाजिक संजालसे फैलाल ब्लु वेल नामक खेलेर कारनत संसारभर भेलेला युवाला आप्नार जान गुमाइचे । अनङेकरे भेलेझन लोकला सामाजिक संजालेर दुरुपयोगेर कारणत जेल जिवन बितावार बाध्य काथालाअ सुनवा मिलेचे । माने सधाए सामाजिक संजालर बिकृति मात्र आनेचेअ नाहए । भेलेला बार सामाजिक संजाल आर फेसबुकेर कारनत लोकला नायाँ जिवन भि पाइचे । 

       आझिकरे हामा बात करेचि बार्हदशि गाउँपालिका वाड नम्बर ७ निवासि फुलकुमारि राजबंसिर जाए फेसबुकेर कारणत नाया जिवन पाईचे, आर्थिक रुपसे अति बिपन्न आर क्यान्सरेर कारनत पिडित अम्हा फुलकुमारि राजबंसिर उपचारेर ताने खर्च जुटावार आर रोगसे मुक्त करावार ताने फेसबुकसे फुलकुमारि बाचाअ अभियान सुरु करिएने अइखान ठाई बस्बार टोम राजबंसि सहित तुलसिप्रसाद राजबंसि, गोपालचन्द्र राजबंसि, कुवित राजबंसि, श्याम राजबंसिला आल्हा समाजत उदाहरणिय पात्र बनिचे । 

       आन्द्रात क्यान्सर हएने आर आर्थिक अभाबेर कारणत मृत्युरमुखत पुग्वार अम्हा फुलकुमारिर उपचारेर ताने फेसबुकसे उठाल २ लाख ४० हजार टाका आर्थिक सङकलन आल्हा अम्हार भक्तपुर क्यान्सर  बेटिर जिवन बाचाइदिवार कहेने बाप सेसलाल राजबंसि आग्रह कर्वार बाद राजबंसि समाज बिकास समितिर निबर्तमान अध्यक्ष टोमलाल राजबंसि, युवालार सक्रियता रहाल सामाजिक संजाल मार्फत ‘फुलकुमारि बाचाअ अभियान’ संचालन करिस्ले । आभियानसे जुटाल रकमलाक फुलकुमारिर उपचार ताने खर्चा कराल काथा अम्हा बाताचे । उक्त उपचारेर बाद आल्हा फुलकुमारिर नायाँ जिवन पाइचे । अम्हार उपचारेर ताने नेपाल तथा बिदेसत रहबार भेलेझन सहयोगि दाताला बिर्तामोड स्थित नबिल बैङ्केर खाता नं. २११००१७५०३६४० पैसा जम्मा करिएने सहयोग करिस्ले ।