तिन महिन्या नेतृत्व आर व्यक्तित्व विकास तालिम
दलित समुदायर क्षमता अभिवृद्धि सम्बन्धि तिन महिन्या नेतृत्व आर व्यक्तित्व विकास एवम् उद्यमसिलता आर आत्मनिर्भरता विषयक भिनाभिनि कार्यक्रम सेन्चरबारेर दिना बिर्तामोडत् सम्पन्न हइचे ।
दलित वर्ग उत्थान बिर्तामोड नगर समितिर आयोजना तथा बिर्तामोड नगरपालिकार चालु आर्थिक वर्ष २०७४ रेर ११ लाख टाका लक्षित समुदायर ताने विनियोजित बजेट अन्तर्गत दलित समुदायर विविध कार्यक्रम सम्पन्न हइचे ।
दलित वर्ग उत्थान समन्वय समितिर अध्यक्ष छविलाल विश्वकर्मार अध्यक्षतात् सम्पन्न कार्यक्रमेर प्रमुख अतिथि बिर्तामोड नगरपालिकार कार्यकारी अधिकृत खड्गबहादुर कार्कीड छिले । उद्यमशिलता सम्बन्धि तालिम दिएने स्वरोजगार बेनाबार ताने दलित समुदायलाक लक्षित करिए कार्यक्रम सुरु कराल दलित वर्ग उत्थान समन्वय समितिर अध्यक्ष विश्वकर्माड बताले ।
बिर्तामोड नगरपालिकार कार्यकारी अधिकृत कार्की, कार्यक्रमत् एमाले विर्तामोड नगरेर अध्यक्ष ज्ञानुराम प्रसाई, अर्जुन श्रेष्ठ, रामु सिंह, लक्ष्मीकान्त खनाल, कमला थापा मगर, द्रौपदा गणेश, कृष्णमाया चौधरी, महेन्द्र भुषण शर्मा लगायतला आपुन सिकाल सिपलाक व्यावहारत उत्रिवा पर्बार काथात जोड दिस्ले ।
दलित समुदाय लक्षित लोकसेवा पूर्व तयारी कक्षा, सिलाई कटाई तालिम, कानुनी सचेतना तथा नेतृत्व विकास, कम्प्युटर, ब्युटिपालर, मोबायल मर्मत, रेडियो तालिम लगायतेर भेलेला १० टा शिर्षककत जाल चइत महिनासे तालिमेर आयोजना कराल गिस्ले ।
Post a Comment