किया गेलो छारिए ?

टेक बहादुर राजबंसि

कि कमि छिले माई माया मरिए दिलो,

काहाक पाए तुइ मोक छारिए गेलो ?

इड जिन्दगानित करिस्नु तोर आस

किया गेलो छारिए, छुटाए मोर हात ??

दिबार लाखा दिलो चोट पागल कए,

तोर साथ बिना बाचिम केन्ङ्कए ?

भुलिए गेलो उला दिन सङ्गे छिन जेइबेला,

पागल फकिरा कए गेलो छारिए आला ।।

चाहे मोक तडपुवा होक ताह हासिए रहिस,

नि छारिम, नि भुलिम कए तुइ मोक कइस । 

तोर जिन्दगिरत कुन दिन भि दुख नाहोक,

आजि भुलिए, छारिए मोक लागाए गेलो रोग ।।

सुनिस्नु पाबार मात्रे ना हए गुम्वार भि हए माया,

अइलाते हबाए तुई गे माई गेलो आजि दायाँ बायाँ । 

काहाक सुनाए बुझाम मोर पागल मन आला,

खुसि रहिस, हासिए रहिस माई तुइ हरबेला ।।