कन्काइर जनप्रतिनिधिलाक कोच राजबंसिर सांस्कृतिक सम्मान

         कोच राजबंसि सांस्कृतिक संरक्षण तथा पर्यटन प्रवद्र्धन केन्द्र कन्काइ नगरपालिका ९ घैलाडुब्बार एकटा कार्यक्रम आयोनजा करिये कन्काइ नगरपालिकासे चुनाल जाल जनप्रतिनिधिलाक कोच संस्कृति अनुसारे स्वागत आर सम्मान करिचे । कोच राजबंसि सांस्कृतिक संरक्षण तथा पर्यटन प्रवद्र्धन केन्द्रर अध्यक्ष तथा बडा नं ९र नवनिर्वाचित बडाध्यक्ष प्रेमप्रसाद राजबंशीर अध्यक्षततत् आर कन्काइ नगरपालिकार प्रमुख राजेन्द्रप्रसाद पोखरेलेर प्रमुख आथित्यत् सम्पन्न हुवाल कार्यक्रमत् संस्थार उपाध्यक्ष धर्मलाल राजबंशीर स्वागत मन्तव्य व्यक्त करिस्ले ।

       कार्यक्रमत कन्काइ नगरपालिकार प्रमुख पोखरेल, उपप्रमुख मञ्जु प्रसाई, वडा नं. २र अध्यक्ष पर्शुराम गिरी, वडा नं. ३नेर अध्यक्ष रुद्र चिमरिया, नेपाल रेडक्रस सोसाइटी उपशाखा घैलाडुब्बार सभापति चन्द्रप्रसाद चुडाल, अरुनोदय अंग्रेजि माविर प्रिन्सिपल अरुण राजबंशी, लक्ष्मी प्रसाद मैनाली लगायतला शुभकामना मन्तव्य राखिस्ले । कार्यक्रमत कन्काइ नगरपालिकार प्रमुख पोखरेल, उपप्रमुख प्रसाई, वडा नं. १केर अध्यक्ष रोशनराज पोखरेल, वडा नं. २र अध्यक्ष पर्शुराम गिरी,  वडा नं. ३नेर अध्यक्षरुद्रप्रसाद चिमरिया, वडा नं. ४रेर अध्यक्ष गोविन्दप्रसाद पौडेल, वडा नं. ५चेर अध्यक्ष कृष्णबहादुर राइ, वडा नं. ६र अध्यक्ष लक्ष्मी प्रसाद ओलि, वडा नं. ७तेर अध्यक्ष लिलाबहादुर कन्दङवा, वडा नं. ८ठेर अध्यक्ष प्रेमबहादुर कटुवाल आर वडा नं. ९र अध्यक्ष प्रेमप्रसाद राजबंशी लगायत वडार पदाधिकारीला चुवालाल राजबंशी, नवलकिशोर दत्त, राजेश आङबुहाङ, नरमान श्रेष्ठ, शान्ता चुडाल, मुना शिवा लगायतलाक कोच संस्कृति अनुसार गम्छा उराएने सम्मान कराल गिस्ले । उपस्थित अमाक सभाके कोच राजबंशी संस्कृति अनुसार राजबंशी परिकार पकाएने खुवाल गिस्ले । 

         कार्यक्रमत सहभागि वत्ताला साविक कन्काइ नगरपालिका ९अत स्थापित कोच राजबंसि सांस्कृतिक संरक्षण तथा पर्यटन प्रवद्र्धन केन्द्रर स्तर उन्नतिर ताने सहयोग करुवार प्रतिवद्धता जनाइस्ले । कार्यक्रमेर संचालन कोच राजबंसि सांस्कृतिक संरक्षण तथा पर्यटन प्रवद्र्धन केन्द्रर सचिव जयप्रसाद राजबंशीर करिस्ले ।