पुवबिति नक्कली नोटलार कारोबार

        आल्हा नेपालेर पुवति नेपालि पानसय टाकार नक्कली नोटलार कारोबबार हवार काथा प्रशासनड जनाइछे । मोरङत प्रहररुला एनङतिए नक्कली नोटला १ लाख ७४ हाजार टाका सहित दुइ झनाक पक्राउ करिचे । विराटनगर –९ स्थित रघुनाय प्रेटोल पम्प पाछुति रहाल गल्लिसे प्रहरीला नक्कली नोटसहित विराटनगरेर ६ सहित संगित महतो र वडा न ७ का २ज्ञ बर्षिय सुमन तोलाङीरक पक्राउ करिएने एतुवारेर दिना सार्वजनिक करिचे । पाच सयर नोटला ३ सय ४८ थान नक्कली नेपाली टाका आर २ थान मोबाइल अमारसंगे बरामद कराल काथा प्रहरीला जनाइचे ।

        नक्कली पानसय टाकाला सक्कली नोटलासे लम्बाइत् थोरक बाचा, वाटर मार्कत् लालिगुरासँेर फोटोखान थोरेक मधुरा आर सक्कली नोटखानसे कनेक मट रहाल देखा गिछे ।

        जिल्ला प्रहरी कार्यालय मोरङेर एसपि सन्दिप भन्डारीर अनुसार कुछु महिना आगुत जिल्लात नक्कली नोटेर कारोबार हबार खबर पावार बाद सुराकी करवार ताने सुराकि खटाल गिस्ले । घटनार विवरन अनुसार एसपी भन्डारीर खटाल सुराकिला नक्कली नोट कारोबार करुवार संगित आर सुमनेर ठिना पुगिएने १ लाख ७४ हाजार टाकार ताने ७० हाजार टाका बुझ्वा पर्वार काथा कहाल गिस्ले । मोलमोलाइ करुवार बाद ६० हाजार टाकात् दिवार काराल हइने लिवा दिवार ठाअँ तय कराल गिस्ले । अमा कहाल ठिनाए प्रहरी टोलिला एम्बुस जुरिएने पक्राउ करुवार सफल हइस्ले ।

        पक्राय पराल दनेझनाके खोटा चलन मुद्धा अन्र्तगत जिल्ला अदालत मोरङसे म्याद थप करिये अनुसंन्धान सुरु कराल काथा बताल गिछे । खोटा चलन मुद्दा अन्र्तगत कसुर ठहर हले १० बछर तक जेल सजाय हबार काथा मुलुकी एनेरखोटा चलन महलत् उल्लेख छे । आल्हा पुवतिकार जिल्लालात नक्कली नोटर कारोबारीला सक्रिय रहाल काथा प्रहरीला जानकारी दिछे । एनङति कारोबारत नाम चलाल लोकलाए समेत सामेल हुवाल काथा सुराकि से थाहा हुवाल आर आप नक्कली नोटेर कारोबार कर्बार गिरोहके धमकरे प्रहरीर फान्दात् पार्वार काथा प्रहरीला जनाइचे ।