राजबंसि गाहाना गुरियाला
 |
|
|
हेतिना राजबंसि समुदाय मुस्रादला सिंगारेर रुपत लाग्वार कुछु गाहाना गुरियालार बारे चर्चा कराल गिछे ।
सितिबन –
राजबंसि मुस्रादला माथार उपरत ठिक करे सितारत परवार गरि लाग्वार यिखान गाहाना तिनति मालाला रहचे । दुइति मालाला एकति मालार संगे टिकली जराल रहचे ।
दोनरिया गोठ –
राजबंसि मुस्रादला लाग्वार गाहाना गुरियालात दोनरिया गोेठभि एकखान हए । गालात पिन्बार मालार लाखाति यिखान गहना दोनरिया रहचे अर्थात दुइखान मालार लाखाति एकेचटि रहचे । ताहाते यिहाक देनरिया गोठ कहचे ।
टाकार हार –
राजबंसि मुस्रादला लाग्वार गाहाना गुरियालात दोनरिया गोेठेर लाखाति गालाते पिन्बार दस्रा गाहाना टाकार हार हए । अतेदिना चानिर टाकालासे बेनाल यिला गाहाना बहुत बजनदार हबार करे । आल्हा एकटेकिया डलरलादे कृत्रिम रुपत बेनाल जाछे । टाकालाक मालारसंगे जडिएने बेनाल जाल यिखान गाहाना बहुते सुन्दर हबार करेचे ।
बाला –
राजबंसि मुस्रादला लाग्वार गाहानालात बाला भि एक हऐ । हातेर बाहालात लाग्वार यिला गाहाना दुइ दुइ खान करे चुरिलार लाखाति रहचे ।
खारु –
राजबंसि मुस्रादला लाग्वार गाहानालात बाला भि एक हऐ । ठेङगत लाग्वार यिला गाहाना दुइ दुइ खान करे चुरिलार लाखाति रहचे ।
पाइजु –
राजबंसि मुस्रादला लाग्वार गाहानालात बाला भि एक हऐ । यिड गाहाना ठेङगत लागाल जाछे ।
माठा –
राजबंसि मुस्रादला लाग्वार गाहानालात माठा भि एक हऐ । हाते बाहालात लाग्वार यिला गाहाना दुइ दुइ खान करे चुरिलार लाखाति मट मट रहचे रहचे । ्
साक –
बाहाति राजबंसि मुस्रादला अर्नवाय रुपत हातत् साक लागवार करेचे । यिला सक निते पाथललासे बेनाल जाछे ।
यिहार अलावा नाकत लाग्वार नेथिया, कानत लाइवार सना आर भुम्का, हात ठेङलात लाग्वार आङठिलाथि हए । नाकत लाग्वार नेथिया, कानत लाइवार सनाला सनारे आर हातत लाग्वार आङठिला सनार आर ठेङत लागवार आङठिला चानिर बन्वार करेचे ।
 |
| फोटो : www.soranepal.blogspot.com पेज खान से | |
Post a Comment