राम राजबंसिर नयाँ गान "बेबि I LOVE YOU कोहोना" आस्वार तयारित

        साअन १६ः झापात २०७३ सालेर अघन महिनात आयोजना हइसले “प्रथम कोच राष्ट्रिय गायन प्रतियोगिता २०७३” आर उखान प्रतियोगितात आप्नार जोडदार प्रस्तुति दिएने दस्रा स्थानत आस्वार सफल कलाकार हए राम राजबंसि । 

झापार कुमरखोद २, लसुना निवासि अम्हा गित गिदावार मात्र नि हएने चित्र बेनावार आर पेन्टिङ् कर्वार भि उस्ताद हए । समग्र रुपत कहिले कला क्षेत्रेर एक पारखि हए राम राजबंसि । बाप तिलक लाल राजबंसि आर माअ स्व. राजवति राजबंसिर कोख से जनम लिवार अम्हाँ आल्हा भखरे २३ बच्छरत प्रवेस करेचे । 

२०७३ सालेर सुरुत एक झन संग सुरज राजबंसि सगे मिलिएने एक्टा राजबंसि ¥याप गान कम्पोज करिएने युट्युबत अपलोड करिस्ले आल्हा उखान ¥याप गान युट्युबत रहाल राजबंसि गान लार मध्ये सबसे बेसि झना देख्वार गान मध्ये एक परेचे । अतेक्नि मात्र नि हएने अम्हार “चाहेको माया” बोलेर नेपालि भासि गित भि प्रचलित गित अन्तर्गत परेचे । 

गायन कला क्षेत्रत आप्नार भविस्य देख्वार अम्हा आल्हा बिर्तामोड स्थित गुरुकुल म्युजिक एकाडेमित आप्नार संगित अध्यनेर साथे नयाँ “बेबि आइ लभ यु कोहोना” बोलेर कोच राजबसि डान्सिङ गित निक्लिवार तयारित जुटाल छे । आसा छे अम्हार इखान गित खानक सम्पुर्ण राजबसि समुदाय र माया करिदिबे ।

भिडियो देख्वार ताने हेटत क्लिक करन : - 

---

---