खुसि रहि, हबा सिकि

प्रितम कमार राजबंशी 

        आझिकार दिनत त काहक भ्निि फुर्सद छे, सभाय व्यस्त । राजवंसि कहबार लाखाति, “कुकुरटक भि नि फुुुर्सद छे” । आल्हाकार जमानात सुचना प्रविधि आर टेक्नोलोजि आर्ह एक्टा एनङंति चिज बेनाइदिछे, फेुुुसबुक, बुहा्र से छुवातक सभाए बिजि (व्यस्त) अहि फेसबुकत । लोकला चौबिस घण्टा मोबाइल आर इलेक्ट्रोनिक ग्याजेटत बिजि रहचे, यहारसगे आल्हा लोकलाक फिकर हवा धरिचे, अब्बल आस्वार यानेकि पहिला हबार, प्रथम हबार । बुह्रासे छुवातक सभारे मानसिकतात एनङंति छाप पराल गिछे कि कुछु कर्ले सभारसे अब्ब्ल आस्वा लागे, पहिला हवा लागे निते फेल । आर कुछ पहिला कर्ले येतेखान घमण्ड कि प्रचार बाजि, मुइ पहिला इन्जिनियरसे सरकारी जागिरेतक, यात पहिला चटिकार प्रचारबाजि, झापाते पहिला कित् नेपालते पहिला, कित कुछु क्षेत्रते पहिला । यिड दौडत लोकला येते खान लागिये परिचे कि आझि लोकला भिनझनकार खुसि कि हये, चाहना कि, आकांक्षा हये बिर्सि गिछे । भिनझनाक खेचिये आगुति बारवा पार्ले पुगिगेल । भिनझनकार समस्या, चाहना आर सन्तुष्टिर त दुरेरकार काथा । आप्नार काथा उपरत बेन्वा पाले, धक्कु लाग्वा सक्ले, फुई देख्वा पाले आप्नार काम निक्सिवा पार्ले त भिनझनकार माथारत टेकिए बेराचे लोक्ला । 

              खुद लोकलाक नि थाहा हचे कि यिखान धाक्रन किया कर्चे, काहारताने करेचे आर केतेला लोक उहाँर कृयाकलापसे खुसि हचे ।  चुनावसे जागिरतक, पढाइसे लडाइतक सभाते अब्बल हवा लागे । षडयन्त्रर  कार्यलात आह्र आगुति लागे , जाहे बेसि षडयन्त्र कर्वा पाले, भिनझनाक गिर्वा पाले, उहा आर्ह सफल । भिनझनाक गिराए, लराए लोकलाक मिलेचे खुसि । लेकिन आप्नार काम कर्तव्यसे केतेला लोक खुसि हचे यिड काथाक मनन कराल निजाछे । आझि छुवालाक स्कुलसे सिकाल जाछे कि उहा फस्ट हवा लागे चाहे पढाइत होक, दौडत होक या हाजिरिजवाफत होक । यहिर दौरत छुवाला सिकेचे भिनझनाक गिर्वा, षडयन्त्र कर्वा आर जालझेल कर्वा । लेकिन हामा छुवालाक कभिभि नि सिकाचि कि भिनझनाक खुसि बेनावा । भिनझना खुसि हले आप्नाक खुसि मिल्बे कहबार काथा कोभोइनि सिकाचि । कि आझि जा आछा काम करेक आर दुई चार झन लोक आझि खुसि होक । फिर कालि अनंकरे आगुति बारेक । एनंति हले यिड दुनियारत खुसि हवार लोकेर संख्या बाढवे । आपसि हित आर खुसि बाढवे ।

          आल्हा लोकला आप्ने खुसि हवा निपारियेने लाफ्टर थेरापी(हास्वार क्लास) भर्ना हचे । दुनियारत एतेखान तनाव हइगिछेकि आप हास्वार ताने समय निक्लवा लागे कि त कमेडि (हास्वार) प्रोगामत् पैसा तिरिए जाबा लागे । एक जमाना छिलेकि साधुला योगेर बलत् आत्मालिन हए अर्थात गटे चेतना शिरत धारण करे, तलकार धरटक अचेतन बेनाएने । कालकार दिनत खुसि कहवार चिजड भि आल्हाकार आत्मालिनेर लाखा दुर्लभ नाहोक, ताकि खुसि कहवार चिजभि छिले कहेने कालिकार दिनत् अन्छिवा परे । ताहाते आलहाकार समाजडत् हामा लोकला सामाजिक प्राणी हए खुसी हबा सिकि आर दुनियारक हसाइ । आल्हाकार सिकाइ आर प्रथम हबार दौडत् नाया पुस्तालाक छडि दिले अमारसे कि अपेक्षा कराल जाबे हामा सभाके थाहा छे । नायाँ पुस्ताला प्रथम हबा त सिक्बे, भिन झनाक गिरबा, खेच्वा त सिकबे माने यिड दौडत आप्ने कभिभि खुसि हवा निजान्बे । ताहाते आल्हाकार यिड दौड फरक समाज कि हए, काहार ताने, आप्नार अगलबगलकार वातावरणेर संगे सहकार्य आर तालमेल कर्वा सिकाइ । आप्न हासि, दुनियाक हसाइ आर नायाँ सिकाइर अभ्यास करि ।