एआईपिएस एसियार कोसाध्यक्षत निरन्जन राजबंसि
आश्वीन २०, एसियालि खेलकुद पत्रकार माहासंघेर कोसाध्यक्षत नेपालसे निरन्जन राजबंसि निर्वाचित हवार सफल हइचे ।
पाकिस्तानत आयोजना हुवाल एआईपिएस एसियार बिसेस साधारन सभात सिरिया देसेर अबिर अलि राक ११ मत से पराजित करिएने निरन्जन राजबंसि कोसाध्यक्ष पदत बिजय हवार सफल हइचे ।
बिबिसि नेपालि सेवात कार्यरत रहाल अम्हा निरन्जन राजबंसि उक्त चुनावत १८ मत आन्वर सफल हइस्ले ते अम्हार प्रतिद्वन्दि अबिर आलम जम्मा ७ मत मात्र आन्वार सफल हइस्ले । उक्त साधारण सभात एसियार २५ मुलुकलार सहभागिता रहाल छिले ।
नेपालेर खेलकुद पत्रकारलार छाति संगठन नेपाल खेलकुद पत्रकार मन्चत लाम्मा समयसे नेतृत्व प्रदान कर्ते आस्वार अम्हा निरन्जन राजबंसि यारसे आगुत भि समितित कोसाध्यक्ष पदेर जिम्मेवारि निर्वाह करिएफिकाइचे ।
Post a Comment