आप्नार गाउँ आप्ने बाचाऊ

गौरिगंज भाद्र २७ : झापा गौरिगंजत कालिकरे भादर २७ गतेर मंगलबारेर दिना आप्नार गाउँ आप्ने बाचाऊ कहेने मुल नारा सहित स्थानिय राजबंसिला मिलिएने बानाल राहत वितरण समितिसे गत महिनार अन्तिमत हुवाल भिसन बर्सार कारनत प्रभावित हुवाल साथे बिस्तापित हवार परिवारलाक कहेने बिभिन्न आवस्यक सामाग्रिला प्रदान करिचे । 

नेपालसे किरण राजबंसि, रोहित राजबंसि, सुबोध राजबंसि, उमेश कुमार राजबंसि, संजय राजबंसि, भुवन चन्द्र राजबंसि, शेसलाल राजबंसि आर बिदेश से दिलिप राजबंसि (एलेक्स) हाल दुबई, आर मलेसियासे सरोज कुमार राजबंसि आर लेखराम राजबंसि उक्त राहत वितरण समितित रहाल छे । साथे ३० झन्से बेसि देस आर बिदेसत रहवार कोच राजबंसि दादा भाइला उखान राहत बितरन कार्यक्रमेर ताने सहयोग करिचे ।  

राहत बितरण समितिसे प्रदान कराल सामाग्रिलात प्रत्यक परिवारक एक थान सर्ट आर पेन्टेर कपडा, एक थान सुतिर साडि, एक थान तन्ना आर तिन थान लुगा धवार सरफ करिएने जम्मा १३५० टाका बराबरेर सामान रहाल छे । उक्त राहत बितरण कायक्रमसे गौरिगंज गाउँपालि

का वार्ड नं. २ स्थित जम्मा ८५ घर परिवारला लाभान्वीत हइचे । प्रभावित लाक आगुतेसे बिभिन्न खाद्यसामाग्रिला बिभिन्न संग–संस्था तरफसे उपलब्ध हइजावार कारनत आर आस्वार जात्रा पाब्निरक मध्य नजर कर्ते अम्हालाक प्रदान कराल सामाग्रिला प्रभावकारि आर उपयोगि हबे कहेने दुबईसे सहयोगत जुट्वार दिलिप राजबंसिर (एलेक्स) कहना छे ।