हामाक चिन

भिमराज राजबंशी

मुइ भाइ एकटेंगिया

डुवाल छे टेंगापाताले

देहा माथा छे आकासत

चुलि नेइ मोर कपाले

टेंग मोर छे लम लम

देख देहा मोर छलछल

माथाय रहछे लामा नेगर

मुख लामा चखु नाकेर बेगर ।

पेटत नेहिं लारि भुटि

एक खान चेकरार फेपसा

फेसपा बेगर मुइ बेकाम

तम्हार हतन पाँछु दुरदासा ।

हाते लिए चापिए ठोकिए

मोक ढुकाछनर धरतिर तल

हच्काय के मोक चलाबन

मुखे निकलिबे जले–जल

हामाक तम्हा चिनिए फेकालन

कह देखि आब हामार नाअँ

कोय कहय चापा कोय पानि कल

छाबिले हामाक पाबन सभे गाअँ ।