दुईझन राजवंसि कलमजिवि सम्मानित

       गौरिगंज, साअन २५ः आजि २३ वा विश्व आदिवासि जनजाति दिवसेर उपलक्षयत् गौरिगन्ज आदिवासि जनजाति महासग तदर्थ समितिसे आयोजना हुवाल कायक्रमत समितिरा उखान क्षेत्रेर विभिन्न व्यक्तित्वलाक सम्मान करिस्ले । सम्मानित हवार लात राजबंसि समुदायर दुई झन कलमजिवि पर्वार सफल हइचे । 

फोटो : खवर गौरिगज नियुज पोर्टल 

          राजबंसि एवम ताजपुरिया भासार भेलेला चर्चित गितला लेखिएने प्रचलित हुवाल झापा गौरिगंज निवासि गितकार गोपाल राजवंसि आर खबर गौरिगंज अनलाइन पत्रिकार कार्यकारि सम्पादक मदन राजबंसि (मनप्रित) दुइझनक समितिर आजि कायक्रमत  सम्मान पत्र तथा गाम्छा दिए सम्मान करिचे । कायक्रमत सन्चारकमि झगेन्द्र खड्का आर झापा गौरिगज गाउपालिकात नव निवाचित पदाधिकारिलाक समेत समितिरा सम्मान करिस्ले ।