बाढिर कारनत झापात १ झन राजबंसिर मरन आर ३ झन बेपत्ता

झापा ः कुछु दिन आगुत हुवाल भिषन बर्षा आर बाढिर कारनत झापात १ झन राजबंसिर मरन हइचे ते तिन झन राजबंसिला हाराल स्थिति छे । अल्हा झापा जिल्लात राजबंसि सहित जम्मा ११ झनार मरन हइचे ते ३ झन राजबंसि सहित जम्मा ४ झन हाराल काथा जिल्ला प्रहरि कार्यलय झापार प्रवक्ता हरि प्रसाद शर्मा र जानकारि कराइचे । 

मरन हवारलात कचनकवल गाउँपालिका वडा न ३ डागिवारिर २२ बच्छरिया राम कुमार राजबंसि (पवन), झापा गाउँपालिका वडा न २ कार ३५ बच्छरिया धनमाया घोर्षने, शिवसताक्षि नगरपालिका १ धरमपुर राजबंसि चोकेर २८ बच्छरिया विजय पाण्डे, झापा गाउँपालिका वडा नम्बर ७ सिमलबाडिर कमला दर्लामि आर अम्हार बेटि खुसि दर्लामि, दमक नगरपालिका वडा न ५ बस्वार २६ बच्छरिया तपोष मण्डल, हल्दीवारि गाउँपालिका ४ बस्वार १० बच्छरेर कुल्सन खातुन, झापा गाउँपालिका २ बस्वार नाम निखुल्वार अन्दाजि ६० बच्छरेर एक झन आर सोहि गाउपालिका वडा न ४ बस्वार पहिचान निखुल्वार एक झन रहाल छे । 

एंनगे करे झापात बाढिर कारनत ४ झना हाराल अवस्था छे । हारावार लात झापा गाउँपालिका २ कार कालिका प्रसाद राजबंसि, अम्हार घरेर २ झन आर कमला घोर्षने करिए जम्मा ४ झन छे । 

प्रहरि प्रवक्ता शमार अनुसार झापात बाढिर कारनत २ हजार १९ घर परिवार प्रभावित हुवाल छे ते १ हजार ८ सय ९६ घरपरिवार विस्थापित हवा पुगिचे । वहार मध्य १२ घर पुण रुपत क्षति ग्रस्त हइचे ।