जागिए उठ

पवन राजबंशी

उठ जाग आप्नार हक हितेर ताने

धन सम्पती चलिगेले अनेक आनेबाने

छिन जमिन्दार हए गेन जनुवार 

गम्भीर अवस्था आसिगेले सचुवार

बिघा बिघा जमिन बाखारी जाए धान 

पट्वारी जिमिदार बाप दादोर सान

देउनियारी ठाट एक हएगेले खिस्सा

जन-मजदुरी बनिगेले जिवनेर हिस्सा

अनपढ अशिक्षा परिए शासनत

सर्वस्व गुमिगेले परिए दमनत 

मोर घडा मोर लाठ्ठीत परेर चमन

सहे दवाब शासन हइचि ज्यते जलन

खेलिल खेल भुमि सुधारेर नामत

धन सम्पत्ति करिदिल छत बिछत 

आर लागाए नव नियम मयानिर हक

बेनाए दिल कम्जोर दोमाला घरक

वाए चोर वाए पुलिस देशेर पहरा

निछिले सुरक्षा निछिले कोइ साहारा

घर द्ववार लुटिलिले चोर डाकोर नामत

सदाए बाधा हामार सरकारी कामत

बहुत सहन अन्याय आप उठवा लागे

भाइ भाइर दुस्मनी भुलिए जुटवा लागे

जन्म भुमी मातृ भासार करि सम्मान

माँ बाचाए बाचाइ आप्नार पहिचान