इतिहास

कोच राजवंसिलार इतिहास 

कोच राजवंसिलार इतिहासेर परिचय अन्छिवा जाइले समग्र रुपत एम्हार जातिय इतिहास सामान रुपे अन्छिवा लागे। एत नेपालेर बसोवासकारि राजवंसिलार खालि नाहाय,भारतेर विभिन्न प्रान्तत, भुटान आर वर्तमान वांगला देसेर किछु भागत बसोवास कर्वार गोटे राजवंसिलार सामान रुपे अध्ययन आर अनुसन्धान कोरिले मात्र एम्हार वास्तविक इतिहास आर एम्हार संस्कार, संस्कृतिर परिचय पावा जावे किन्तु एक्टा काथा गोटे विद्वानला सामान रुपे स्विकार कोरिचे जे एक्टा जातेर समग्र इतिहास ओन्छिवा काम सरल नाहाय प्राय असम्भव किन्तु ताँह विभिन्न विद्वान आर इतिहासकारलार लेखा किताब आर इतिहासलासे अन्छाय कोच राजवंसिलार सामान्य परिचय दुआ जाछे।  

राजवंसि(Rajbanshi):- राजवंसि सब्दडार साब्दिक अर्थ हचे राजवंस अर्थात राजार वंस "राजवंसि सब्दडार व्याख्या कोरिएने चारुचन्द्र सान्यालडा आप्नार लेखा किताब "The Rajbansis of Bengal" लत लेखिचे "The lexicographer gives the meaning of the word Rajbansa as Rajabiji that is born of the seed of a Rajon. "The Word Rajon otherwise meaning of a King.....यिडा से प्रस्ट बुझाजाछे जे राजवंसिला एक समय कुन्ह राजार वंसधर छिले वा एम्हार पुर्व पुरुस राजा छिले। राजवंसि सब्दडा कुन्ह जाति बिसेसेर सब्द नाहाय ना यिडा सब्द दिये कुन्ह जातक बुझाचे। कुन्ह एक्टा राजार वंसलाक राजवंसि कहा जावे। जेनङ मेचलार पुर्व पुरुसला राजा छिले एम्हाअ राजवंसि, थारुलार पुर्व पुरुसला राजा छिले एम्हाअ राजवंसि ओइताने यिडा सब्द राजवंस से सम्बन्धित हवार कारणत जातिवाजक सब्द नाहाए ताहोले एम्हा (राजवंसिला) कुन जातेर लोक। विभिन्न विद्वानलार मत अनुसारे कहचे राजवंसिला कोच जातिर लोक। एइडा कोच जातिर विस्वसिह नामे एकझन विर पुरुसेर जेवेला एक्टा सक्तिसालि राजार रुपत उदय होल आर एकछत्र कामतापुर राज्य स्थापना कोरिल। ओबेला अए हिन्दु धर्म गृहण कोरिएने आप्नार जातेर कोच सब्दडा हाटाए "राजवंसि" कहबा धोरिल आर राजाडार देखादेखि अर गोटे प्रजाला आर कोच वंसेर लोकला राजवंसि कहेने कहवा धोरिल "The mass of the Kochhs call themselves Rajbansis as connected with Royal Families." (H. Boileau). आर एइडा राजवंसि सब्दडा पाछुत एक्टा जाति वा उपजाति बुझावार अर्थत व्यवहार हबा धोरिल। भारतेर वंगाल प्रान्तत आर नेपालत कोच सब्दडाक असन्मान सुचक कहेने मने कोरिए यिडा सब्देर परिवर्तनत राजवंसि सब्दडाके जातेर नामेर हिसावे व्यवहार करेचे ओइताने यिडा काथा स्पस्ट भावे कहा जाय जे राजवंसिला मुलत: कोच जातिर लोक हय।

कोच (राजवंसि) लार आगमन:- कोच (राजवंसि) ला भारतिय उपमहाद्विपत आर्यला आस्पार से भेलेखान आगुते आसिचे कहेने विद्दानला कहचेँ। काँह एम्हार आगमन इ. पु. चतुर्थ वा पंचम सताब्दिर ति कहचे ते काँह महाभारत कालेर आगुत आसिचे कहेने कहचे, किन्तु यिडा काथात सघाय एकमत छे कोचला, आर्यलार आस्बार से भेलेखान आगुत आसिचे। "The Kochs Lived before the Aryans came." यिला कोच जातलार आगमनेर सम्बन्धे आसामेर इतिहासकार श्री लक्ष्मी देविडा आप्नार लेखा इतिहास "असम देसेर बुरुन्जि त लेखिचे" - वर्तमान आसामत बसोवास करा कोच, मेच आर आर्ह जनजाति लोकला मंगोलियन जातेर भिन्न- भिन्न साखार वंसधर। एम्हा बैदिक आर्यला आसामत आसबार भेलेखान आगुत भिन्न- भिन्न समयत आसिचे। एम्हा बर्मा देसेर विभिन्न पर्वत अंचलेर रास्ता दिए आर बह्रमपुत्र, इरावति, सालविन आर मेनाम लोदिर रास्ता दिए हेता प्रवेस कोरिचे, आर हेत्कार किछु पाहाडि अंचलक दखल करे सासन कर्वा धोरिचे। एर सम्बन्धे श्री अम्बिका चरण चौधरिडा आप्नार किताब Varieties त लेखिचे- "The anthropologists and the socilogists are of the view that from about 4000 B. C. There was movement of the mongoloid population in successive waves on somatic and geophysical reasons from the bank of Howangho and yant seking rivers to india through the passage of North- Eastern routes. Mongoloid peoples aiong with others migrated from northem Burma, formed in the remote past the bulk of population. According to some mordern anthropologists the koch, mech.....and same peoples having sprang up from one common stock of ancient days." ओइडा किताबत अए आर्ह लेखिचे "Koches are the most ancient people of India.....orginally the koches came down to foot - hills and adjacent plains from lbbetan plateaux."

कोच (राजवंसिलार) अतितेर इतिहासिक पृस्टभुमि आर ऐतिहासिक सामाग्रिला देखिले अनुमान कराजाछे जे एम्हा इसा पुर्व से भारतेर उत्तर पुर्व भागत बसोबास कर्ते आसिचे आर आस्ते -आस्ते करे एम्हा राज्य विस्तार क्रमत सम्पुण आसाम, वांगाल, विहार आर नेपालेर पुर्व दुइ जिल्लात छिरियाय गिछे। नेपालेर बसोबासकारि राजवंसिलार आगमनेर काथा कोहिले एम्हा कुन्ह बाहिरि देस से हेता बसोबास कर्वा आसेनि वरु एम्हा कोच राज्येर विस्तार क्रमत परापुर्व कालसे हेता बसोबास कोर्ते आसिचे। क्रमस.....